اتصل بنا | من نحن | الصفحة الرئيسية

دعاء فاسيلو VASSELOT*
سكرتير الدوق شارل إيمانويل الأوّل دي ساڤوا (1562-1630)

يا كفن يسوع يا أبيض تَمين
يللي لمَست جثمان فادينا الامين
وبَوَّست وجّ المات كرمال البشر
وغَطَّيت أعضاء المِنا دَمّو انتشر
حتى يغطّي ذنوب كلّ العالمين.

بْكَرِّم وجودَك يا كنز مالو مَتيل
يا دخيري مقدّسي وأكبر دليل
بَرهن لكلّ الناس عن موت المسيح
ولمّا نكرّمك يا كفن يسوع
بِقَلب طاهر بالصدق مزروع
ولمّا عن دروب الخطيي نزيح
ونعترف للربّ بالقول الصريح
مننال سَعد كبير من بعد الدموع.

شايف شكل يسوع ظاهر ع الكفن
هيدي عجيبي خالدي طول الزمن
ومحققا بايدين ربّ المعجزات
وشايف ايدين بمَعصما نِقر مسامير
وإجرَين نَزْفت دم ع غياب الضمير
وجروح مدميي عطيت حياة
لخليقا خايني سَبَّبت لربّا الممات
من بعد ما عِمْلت خطايا كتير.

شوفو يا كل الرافقو يسوع
نبع المحبّي هديي للانسان
ظاهر ع كفن من كتّان
كَرّمو اليوم بزرف الدموع.

يَللا نرنّم ع العالي بالتسابيح
لْفادي البشر للربّ يسوع المسيح
هوي اللي دايما بالسما موجود
شايف وسامع مع ملايكتو الجنود.

يا إله الكون يا ربّ الجمال
بهاليوم اللي فيه كَرَّمنا الكفن
غلبنا شيطان الحقد ومحطِّم الامال
وكل مطلب أرضي ع الارض ندفن
ونلنا السعادي الخالدي بْدِنيا الكمال.


* نقله عن الفرنسية إلى العربية: عبدو أديب طنوس

|


جميع الحقوق محفوظة للمهندس فارس حبيب ملكي ©
اّخر الاخبار | سؤال و جواب | اتصل بنا | من نحن | الصفحة الرئيسية
|
|
|
|
|
|
|
|
|
|
|
|
|
|